يوميات دودو وجوجي

[ندعوك للتسجيل في المنتدى أو التعريف بنفسك لمعاينة هذا الرابط]

النهاردة هنتابع قصة جامدة جدا وهي قصة [ندعوك للتسجيل في المنتدى أو التعريف بنفسك لمعاينة هذا الرابط] ودول اتنين هيتصاحبوا علي بعض في الجامعه وهتحصل بينهم مواقف طريفة جدا ياريت القصة تعجبكم ونبدأ بقي............

== الحلقه الاولي ==

النهارده بقي اول يوم في الجامعه [ندعوك للتسجيل في المنتدى أو التعريف بنفسك لمعاينة هذا الرابط] ودودو نازلين الجامعه تايهين فيها

ومش فاهمين حاجه في اي حاجه

عالم تاني بقي غير الثانوي وكده

وكمان جوجي اول مره تروح المنصوره وتشوف الجامعه وحاسه انها غريبه

ودودو نازله من الامارات هوا علي الجامعه

ومش فاهمه حاجه خالص في اي حاجه

جوجي

انا ايه ياربي اللي جابني هنا في المجاهل دي

يخربيت الثانوية العامه

مجموعي يعني ماحصلش القاهرة

مالقوش الا المنصورة يرموني فيها

دودو

انا ايه اللي جابني هنا ما كنت قعدت جنب ماما هناك

فينك يا ماما تيجي تشوفيني

اروح فين دلوقتي انا يعني في المتاهه دي

هو المفروض يبقي في جدول ولا هاروح فين

انا اروح اشوف الجدول الاول

بس هاروح فين علشان اشوفه

اما اسال البت اللي جايه دي

شكلها بيئة اوي بس مش مشكله أي حاجة والسلام

وتطلع مين البت دي بقي

الست جوجي اللي هي كمان مش فاهمه حاجه في حاجه

وتيجي [ندعوك للتسجيل في المنتدى أو التعريف بنفسك لمعاينة هذا الرابط] تسالها : لو سمحتي متعرفيش انا ممكن اجيب جدولي منين

اصل ده اول يوم ليا وانا تايهه بصراحه ومش عارفه اروح فين

جوجي : وانا مالي انا كانوا قالولك عني اني مرشد الجامعه ما تروحي في اي نصيبه

دودو في سرها :

( ايه البت دي هو انا قولتلها هاتي عشره جنيه ده انا بسالها علي الجدول

طب لو سمحتي متعرفيش فين مرشد الجامعه علشان اجيب منه الجدول

جوجي : بقولك ايه انا جايه مخنوقة لوحدي ابعدي عني بدل ما افرقع في وشك

دودو : ( ايه البت العبيطه دي انا حظي دايما كده بيوقعني في ناس مجانين )

طب ممكن لو سمحتي تقوليلي انتي كليه ايه وسنه كام

جوجي : انتي جايه تحققي معايا وانتي مالك انتي دي حاجة غريبه جدا

ايه الاشكال دي علي الصبح

دودو : (ايه البت الغريبه دي
انا امشي بشويه الكرامه اللي باقين عندي احسنلي )

دودو : طب خلاص يا تنت متزعليش نفسك كده

جوجي : مين ياختيييييييييييييي

طنط

طنط في عينيك

ده انتي اللي طنط

دودو : ( يالهوي دي شكلها هتتخانق معايا انا امشي من سكات احسنلي )

سوري سوري ايه الناس دي

جوجي في سرها :

( جاتكوا البلاوي ماليتوا البلد )

ومشيت كل واحده في طريقها وتمشي [ندعوك للتسجيل في المنتدى أو التعريف بنفسك لمعاينة هذا الرابط] تكلم في نفسها

ايه ده هو انا صغيره يعني

ما هما اكيد عاملين في الجامعه ارشادات

اما ادور كده منها لله البت دي

مش عارفه كانت متشعننه عليا كده ليه

لو اقدر امسك في زماره رقبتها دي بت عاوزه تضرب

جوجي

ايه البت دي

غريبه اوي شكلها بنت ناس بس خنيقه

ايه القرف ده ياربي بس من اول يوم كده

لا وحاطيني في كليه الشعب

اولع في نفسي يا ناس

وفضلت جوجي ماشيه لغايه ما ربنا هدالها الحال ووصلت اخدت الجدول بتاعها
وكمان [ندعوك للتسجيل في المنتدى أو التعريف بنفسك لمعاينة هذا الرابط] والحظ انهم في نفس الكليه

ودخلت جوجي المدرج

ايه ده المكان الكبير ده وايه الزحمه دي

الناس دي بتيجي منين

وياعيني ماتلاقيش مكان تقعد فيه

ودودو تدخل وهي بتقول في سرها :

ايه ده ايه ده انا هاقعد هنا ازاي

هاقعد ايه انا هقف هنا ازاي وهافهم ازاي

انا شكلي كده هتروح عليا السنه ده

انا معتمده علي المحاضرات دي زي ما كنت في الثانوي اعمل ايه دلوقتي ولا امشي فين

ايه ده كمان يالهوي البت اللي هناك دي اللي كنت شايفاها من شويه

اما اروح اشوفها هتعمل ايه اهي يمكن قلبها يحن عليا وتشوفلي مكان معاها

وتروح [ندعوك للتسجيل في المنتدى أو التعريف بنفسك لمعاينة هذا الرابط] تكلم جوجي

وتقولها لو سمحتي

وتبصلها جوجي بقرف وهي مش طايقه نفسها

جوجي : انتي تاني هو انتي ورايا ورايا

دودو : يا انسه والله انا بس عايزة اعرف انتي هاتقعدي ازاي في الزحمه وهاتعملي ايه

جوجي : اعمل اللي اعمله انتي هاتشاركيني

دودو : لا بس كنت عاوزه اعرف اصل انا شايفاكي حتي مش عارفه تقفي

وتضحك [ندعوك للتسجيل في المنتدى أو التعريف بنفسك لمعاينة هذا الرابط] ضحكه تستفز بيها جوجي

جوجي في سرها : ( البت دي لازم تتقتل النهاردة

يابت الحلال ابعدي عني الله يكرمك

دودو : الحقي الحقي في حته هناك اهي فاضيه تعالي بسرعه

وتجري [ندعوك للتسجيل في المنتدى أو التعريف بنفسك لمعاينة هذا الرابط] علي المكان كانهم لقو لقيه

جوجي في سرها : ( ايه ده دي طلعت بت جدعه اوي

بس خنيقة برضة وشكلها كده جاية من بره هاتقعد تتمنظر عليا )

ويقعدو ويشرح الدكتور المحاضره

الغريبه ان الدكتور دخل مقالش حتي اسمه

ودخل في الشرح علي طول وعمال بيشرح في المقرر وبيتكلم بالالغاز

وهما الاتنين قاعدين محدش فاهم حاجة

جوجي في سرها : ( يا ساتر يا رب .. خير اللهم اجعله خير .. الراجل ده جاي منين )

دودو تهمس لجوجي : هو الراجل ده بيقول ايه ؟

جوجي : تقريبا كده مامته عيانه

دودو : يا حرام الظاهر حالتها صعبه اوي وهو فاكرنا احنا الي هانعالجها ولا ايه

جوجي : ايه ده ... انتي فاكرة نفسك هاتصاحبيني ولا ايه ابعدي عني

دودو : ليه كده ما كنتي كويسه

جوجي : هو كده بقي افترااااااا

وتعدي المحاضره تطلع [ندعوك للتسجيل في المنتدى أو التعريف بنفسك لمعاينة هذا الرابط] وجوجي

جوجي ( مش طايقه نفسها خالص )

اما اروح اشوف الزفت الشقة اللي شفت اعلانها في الجرنان خليني اخلص

دودو عايزة تصاحب جوجي

دودو : ما تيجي اعزمك علي حاجة من الكافتيريا

جوجي : تعزميني ؟؟ ليه ان شاء الله ؟؟؟ كنتي من بقية عيلتي ولا ايه ؟؟؟

دودو : انا قولت نرتاح بعد المحاضره الطويله دي ونروح نرتاح ونشرب حاجه

جوجي : مافيش ولا اكل ولا شرب امشششششششششي

دودو : ليه هو الاكل خلص من الكافتيريا ولا ايه طب انا جعانه دلوقتي

وعاوزه اكل

الا هي فين الكافتيريا صحيح

وجوجي هتتشل من دودو

جوجي : بت انتي تقريبا بتلعبي في عداد عمرك

دودو : طب قوليلي بس انتي اسمك ايه هكلمك كده وانا معرفش اسمك

جوجي : وتعرفي اسمي ليه هاتطلعيلي بطاقة وتكلميني ليه اصلا تعرفيني منين انتي

دودو : مش احنا اصحاب وزمايل هناديلك بأيه انا دلوقتي

طب انا اسمي [ندعوك للتسجيل في المنتدى أو التعريف بنفسك لمعاينة هذا الرابط] وانتي اسمك ايه بقي

فتحيه ولا ايه

جوجي مش قادره تمسك نفسها خلاص جابت اخرها وفجاه راحت مصرخة بعلو صوتها

ابعدي عني

كل الناس قعدت تبص لجوجي باستغراب

وفجأه .....نكمل في الحلقة الجاية تابعوني بردودكم الجميلة عشان انزل الحلقة التانية بسرعه

جميله يا مرمورة
مستنين نعرف اخر البنت جوجى الى كارهه حياته دى

اوكى يا عسل
منورة و الله

[size=21]== الحلقه التانية ==

راحت جوجي معيطة وانهارت

وصعبت علي دودو جدا وقفت دودو مش عارفه تعمل ايه وحست انها السبب

وقعدت تهدي فيها وراحت واخداها وراحوا الكافيتيريا

وطلبو حاجه ساقعه وجوجي هديت شوية

دودو ( في سرها ) :

البت دي شكلها طيبه بس شعنونة شويه انا هحاول اصحابها بقي

واهديها كده انا مش عارفه هي مش طايقاني ليه بس بكره نتعود بقي

اصل انا معرفش غيرها في المهرجان ده

جوجي في سرها :

لا بجد جدعه كان ممكن تسيبني واقفه لوحدي اعيط كده ولا تعبرني

بعد كل اللي عملته فيها ده بس مستحملاني هي مستفزة وخنيقة شوية بس جدعه

وقعدو يتكلمو شويه مع بعض ودودو حكت لجوجي قصتها وكمان جوجي قعدت تتكلم

معاها وكل واحده قعدت تحكي عن التاريخ بتاعها

وارتاحت جوجي لدودو وارتاحت دودو لجوجي

وفكروا انهم يقوموا يشوفوا الشقه اللي هايقعدو فيها

الشقه بقي مش عايزة اقولكم

شرحة وبرحة وبتطل علي النيل كمان وفي احسن حته في المنصورة

جوجي : بصي بقي يا ست دودو ..

انتي بقي عارفة ان مافيش غير هي اوضة واحدة

فحضرتك اكيد هاتتفضلي تنامي في الصاله علي الكنبه وهاخد انا الاوضة

ماشي يا قطة

دودو : انام في الصاله ليه اشمعني انا يعني

انتي قصيره ممكن تنامي علي الكنبه هتاخدك

لكن انا طويله مش هتكفيني انا هنام علي السرير وانتي نامي علي الكنبه

جوجي : انا قصيره انتي اللي قزعه ومش باينه من الارض

دودو : خلاص بقي يا جوجي احنا نقسم السرير نصين ونتصرف لغايه ما نروح نجيب سرير تاني

واخيرا اقتنعت جوجي ونامو سوا وقامو الصبح

جوجي : بت يا دودو انتي يابت يابت قوووومي يالهووووي

دودو طبعا قامت وهيجيلها سكته قلبيه

دودو : في ايه يابت في ايه ايه اللي حصل

جوجي : قومي يابت اتاخرنا علي المحاضره

دودو طبعا كانت نفسها تمسك اي حاجه وتخبطها في دماغ جوجي

لكن ربنا ستر وقدرت تمسك اعصابها

لبسو وجهزو ونزلو جري علشان يلحقو المحاضره

سنه اولي بقي وبيحافظو علي المواعيد وكده فاكرين نفسهم لسه في ثانوي

المهم وصلو المحاضره وطبعا كانت بدات

اول ما وصلو

جوجي : يالهوي يابت دي المحاضره بدات هنعمل ايه

دودو : مش عارفه يا جوجي والله يلا ندخل عادي يعني احنا لسه اول يوم
ومش هيقولنا حاجه

جوجي : يلا ربنا يستر

خبطو وبيفتحو الباب

جوجي : اسفين يا دكتور اتاخرنا علي حضرتك

الدكتور : انتي لسه فاكره يا هانم انتي وهي

المحاضره بقالها عشر دقايق شغاله

انتم هتستهترو من اولها اسمك ايه يا بت انتي وهي

دودو لجوجي وبتوشوشها : يالهوي احنا هنسقط السنه دي ولا ايه

دودو : يا دكتور معلش النهارده اول يوم واحنا اتاخرنا علشان السكن وكده بعيد

قاطعها الدكتور : ده عند مامي يا روح مامي

اتفضلي انتي وهي اترزعو مكانكم ومسمعش نفس

لو حصلت تاني ووصلتم متاخرين احسنلكم متدخلوش

طبعا جوجي ودودو وشهم اتحول لطماطم

وكانو محروجين جدااا من الموقف اللي هما فيه واللي عمرمهم ما اتعرضو ليه

وعدت المحاضرة علي خير

عايزين تعرفوا ايه اللي هايحصلهم بعد كده

تابعوا معانا الحلقات اللي جاية [/size]

جميله يامرمر

جديده

تسلمى على اليوميات

جه اليوم اللى هقولك فيه
منتظرين البقيه
هههههههههههههههههههههه

تقبلى تحياتى

حلوة يا مرمر
انا متبعاكى بحب
الرويات
مستنية الحلقات القادمة

ههههههههههه يوم ليك و يوم عليك يا ابو سعيد نورت
نورتى يا ريمي

== الحلقه التالته ==

جوجي : انا مش فاهمه ايه الراجل الغريب ده

ما كل الناس بتيجي متاخر

اشمعني احنا اللي لقطنا يعني

دودو : اسكتي يا جوجي انا كنت حاسه انه هيغمن عليا بعد ما احرجنا كده

مشوفتيش العيال كانو بيبصو علينا ازاي

جوجي : بيبصوا علينا دول كانوا هايقومو ياكلونا

زي ما يكونو اول مرة يشوفو بنات ولا حاجة

دودو : ناس غريبه ولا بعد كده الدكتور كان عمال بيتكلم

بالالغاز بت انتي فهمتي حاجه

جوجي : ها... ايه ... اها ايوه طبعا فهمت امال ايه يا بنتي

انتي حد قالك اني ببيع لب في الكليه دي

دودو : طيب كويس يا شاطره علشان تبقي تشرحيلي

في البيت اما نروح ولا هتبعيني يا جوجي انا كده هسقط

جوجي : ده انا ابيع ابويا .. ولا اعرفك اصلا

دودو: يالهوي اخص عليكي هتبخلي عليا

بالكلمتين اللي قالهم الدكتور النهارده

هاتشرحيلي والا هروح امسك في زماره رقبته الدكتور ده

وفجاه يعدي الدكتور من قدامهم

كانهم شافو عزرائيل

وجوجي تاخد دودو من ايديها وجري علي بره

وهما مسخسخين من الضحك

جوجي : بت تعالي نقعد في الكافيتريا

دي نطلب حاجة ساقعة بدل الحر اللي احنا فيه ده

دودو : يالا بس مش عاوزين نتاخر احنا لسه هننزل

نشتري سرير واكل علشان ناكل النهارده

جوجي : ايه ده هو انتي بتعرفي تطبخي

دودو : اه طبعا يابنتي ده انا خبره

بس تعالي بس وانا هوريكي

جوجي : تعالي يا ختي اما نشوف

دودو : انتي تروحي تعملي رز وتشتري سرير وانا هروح اجيب باقي الغدا علشان ننجز

احنا خلاص بقينا بعد الظهر

جوجي : قشطة يا معلم ابتديتي تفهميني

دودو : طب يلا يا جميل سي يو

جوجي : ولو اني مش فاهمه بس سلام

دودو : سلام يا جميل ( مش فاهمه ايه البت دي عاوزه يتولع فيها )

وراحت جوجي اشترت سرير

وراحت البيت تعمل الرز ولعت عليه وسابته وراحت تركب السرير

ودودو نزلت السوق تشتري حاجات الاكل وهي

راجعه تاهت عن البيت وكانت حالتها حاله

وجوجي طبعا في المطبخ محتاسة وهي بتطفي في النار اللي

ولعتها بعد ما نسيت الرز علي النار وشاط واتفحم كمان

جوجي : يا نهار ابيض البت دودو هاتقتلني اعمل ايه دلوقتي

دي زمانها ميته من الجوع

يارب ساعدني

انا انزل اجيب رز غيره اعمله بسرعه

بس انزل فين ده مافيش حد قريب مننا بيبيع رز

يا نهار

كده كملت

انا هابات في الشارع النهاردة

ودودو مش بتفكر في اكل ولا في غيره كل

اللي بتفكر فيه توصل البيت ازاااي

وشكلها مكسوفه تسال حد عن العنوان لغايه

ما ربنا فرجها عليها وجاتلها فكره جهنميه

( جهنمية جهنمية يعني )

تاخد تاكسي وتروح بيه وفعلا وصلت البيت

ولقت جوجي قاعده علي السرير الجديد

دودو : يالهوي يا جوجي شوفتي جرالي

ايه انا هقع من الجوع يابت فين الرز

انا جبت شويه سمك اهو ناكل بيهم

جوجي : لا ربنا يخليكي يا دودو انا عن نفسي مش جعانه دلوقتي

دودو : يالهوي مش جعانه ايه يابت

طب خلاص احسن وفرتي انا بقي هقع من الجوع

وتجري دودو علي المطبخ وعندها امل فظيع تلاقي اكل

وتقابل الكارثه اللي جوه وتتصدم واقفه مكانها

عايزين تعرفو ايه اللي حصل بين جوجي ودودو

تابعو معانا الحلقه اللي جايه

== الحلقه الرابعة ==

وجوجي بقي تعمل فيها عبده العبيط

دودو : بت يا جوجي انا قولتلك اعملي شويه رز مطلبتش شويه فحم
ايه يا بت ده

جوجي : رز ايه وفحم ايه انتي همك كده دايما علي بطنك

ايه الرز ده

انتي قلتيلي اعملي رز .. ماحصلش

دودو : يالهوي بت انا بدات اشك فيكي ضيعتيلي الخطه النهارده بتاعت الاكل

يلا نقضيها عيش والسلام

فين العيش قوليلي مجبتيش كمان

جوجي : يا بنتي عيش ايه بس طموحك لازم يبقي اكبر من كده شوية قال عيش قال

دودو : يالهوووي بت قومي من وشي احسن انا هولع فيكي

مش كفايه كنت تايهه النهارده ومش عارفه اروح فين واجي منين

وبدات دودو تعيط وتسالها جوجي بتعيطي ليه؟؟

ترد عليها دودو : علشان جعانه

جوجي : طب اقولك علي حاجة

احنا نروح عند ام ميرفت جارتنا نقولها تدينا كووووب من الارز اعملهولك جنب السمك ده ايه رايك ؟؟

دودو : ايه ده وهنشحت الرز علي اخر الزمن

لا ياختي يلا نقضيها كده وخلاص تعالي نأزأز شويه السمك دول

جوجي : هاتاكلي السمك بزفارته ولا حاجة ؟؟

دودو : لا ياختي قومي يالا اعمليه

حمرلينا سمكتين وانا اروح اناملي شويه تكوني خلصتي

جوجي : مش بقولك متفائله .. اقوم فين مانتي عارفة ان المايه قاطعه احنا هانستعبط

دودو : يالهووووي يعني كمان ياربي مفيش سمك

هو يوم باين من اوله

اقوم علي صوت فزعني وكنت هاموت بالسكته القلبيه

واروح الدكتور يهزقنا ويحرجنا

واتوه طول النهار

وارجع الاقي كارثه في البيت

وكمان مفيش سمك

وهانام جعانه فينك يا مامااااااا

جوجي : ماما في الامارات والله لما تنادي للصبح ما هاتسمعك

ودودو متغاظة وعاوزه تمسك جوجي تولع فيها

بعد ما جالها احساس ان جوجي هي السبب في اللي حصلها طول النهار

دودو : بت بقولك ايه اسكتي خالص ومتتكلميش معايا تاني

ودودو خلاص هتعيط

جوجي : انتي مالك منفسنه ليه ماقلتلك نروح لام ميرفت قعدتي تتعنطزي وتقولي نشحت ومش نشحت اشربي بقي

دودو : وانتي يعني ياختي كان لازم تتشطري اوي وتفحمي الرز

طب كان كفايه تشيطيه كنت هاكله

جوجي : احلي حاجة فيكي انك بترضي بقليلك
قوم نام يا عمده وعلي ما تصحي تكون فرجت

دودو : طيب ياختي مسمعش نفسك بقي

وينامو مأموصين من بعض وكل واحده وشها ضارب بوز

ومايصحوش الا تاني يوم

جوجي : بسرعه بسرعه يابت نلحق المحاضرة

يالهوي شكلنا هنتاخر تاني

دودو : هو كل يوم كده ياربي

والدكتور هيدينا بالشوزة المره دي

جوجي : يالا بس انتي وبلاش دلع يالا قومي

ودودو طبعا مش شايفه قدامها ماكلتش بقالها يومين ياعيني

حالتها صعبه فعلا

ويروحو يلاقو المحاضرة اتلغت

جوجي : بت تعالي اجيبلك سندوتشات من الكافتيريا احسن شكلك هاتقعي من طولك

دودو : بت انتي ضامنه الكافتيريا دي

اصل في واحد كده هناك بخاف منه وشكله مقرف اوي

وشكله كده هو اللي بيعمل السندوتشات

جوجي : طب يكش تقعي انتي خنقتيني

بت هاجبلك السندوتشات وهاتاكلي وانتي ساكته انتي فاهمه

هاعزمك وبتتامري كمان

دودو : حاضر يا ستي اما نشوف اخرتها يلا بينا نروح بقي بسرعه

يالهوي وحشني الاكل

جوجي : يخربيت طفاستك يالا ياختي

ويروحو وتطلب جوجي الساندوتشات وتاكل دودو كانها ماكلتش من مليون سنه

جوجي بقي مش مركزة خالص

جوجي : دودو

دودو

بت يا دودو

دودو : اسكتي بس مش وقتك خالص

باكل بااااااااكل

جوجي : سيبي الساندوتش ده وركزي معايا هنا

دودو : ايه يابت في ايييييه ؟؟

جوجي : شايفه يابت الواد اللي واقف هناك ده عند ماكنه الكابتشينو ده

دودو : مين ؟؟ اللي عامل شعره زي الفرخه ده ؟؟

ماله ياختي

جوجي : الواد ده بقاله يومين متابعنا في الرايحه والجايه شكله عثول اوي

دودو : بلاش قرف يابت عسول ايه ده شبه الضفدع وراسه عامله زي الفرخه ومسنكح كده

جوجي : تصدقي بالله انا غلطانه اني اتكلمت معاكي اصلا

خليكي بقي في الاكل اللي هايوديكي في داهيه ده

دودو : اصل يابت انتي متعرفيش كده مواصفات فتي احلامي مش لعب العيال ده

بت انتي هتاكلي الساندوتش دهون ؟؟

جوجي : بعد ما بصتيلي فيه اكيد مش هامد ايدي عليه عايزاه خديه

دودو : ياه بس لو مكنتيش تحلفي هاتي يا حبي انتي هاتي

الحقي يابت الواد جاي علينا

جوجي : سيبيك منه سيبيك منه

ودورت جوجي وشها الناحيه التانيه

دودو تبصله بقرف كده من فوق لتحت

وتكمل اكل

يجي يقول لجوجي

سمسم : لو سمحتي يا انسه ممكن طلب ؟؟

جوجي : بمناسبه ايه ؟؟

سمسم : مفيش اصل انا معاكم في الكليه ومحضرتش محاضره امبارح وعاوز المحاضره انقلها

ممكن كشكولك ؟؟

جوجي : معلش اصل انا مابحبش اسلف حاجتي لحد

( ايه اللي انا بعمله ده ايه السخافه دي اتلمي يا بت شوية بقي )

دودو تبصله كده : حضرتك ممكن تروح تسال الواد زميلك اللي واقف هناك ده احنا مش فاضين

تقوم جوجي تقولها في ودنها : بالراحه علي الواد ده عادي يعني بيسال علي المحاضره

دودو : يابت اسكتي ده شكله بيتسعبط

والواد واقف مستني

سمسم : انا اسف يا انسه ان كنت ضايقتك يعني

جوجي : لا ولا يهمك

سمسم : طب انا سمسم وانتي ؟؟

جوجي : وانتا مالك اصلا مش شغلك

سمسم : انا كنت عايز اعرف اسمك ... عادي يعني احنا زمايل وكده

طب خلاص خلاص انا اسف

ويسيبهم ويمشي وقفاه يقمر عيش

دودو : برافو عليكي يابت

شاطره تربيتي

جوجي : يابت انا حاسة اني احرجته اوي

دودو : احسن يستاهل سيبك منه يابت

هتاكلي السندوتش ده ؟؟

جوجي : يالهوي علي السندوتشات اللي لحست مخك

دودو : ايه بلاش ااااكل

جوجي : لا ياختي كلي الساندوتشات بدل ما تكليني انا

بالهنا والشفا

دودو : ياااه لو مكنتيش تحلفي بس هاتي يا حبي

ربنا يخليني ليكي وميحرمنيش من سندوتشاتك

جوجي : ماشي بس ماتخديش علي كده

الاسبوع الجاي هايبقي تقشف لاني قشفرت وبقيت مش علي الحديده

ده الحديده بقت احسن مني

دودو : ماشي يا حبي جيبي سداد

وخلصت دودو اكل وحبست بكوباية شاي وقعدو في الجونينة شوية وسط الخضرة

كانوا بيتكلموا ويهزروا

وفجأة

وبدون سابق انذار

برضة مش هاقولكم ايه اللي حصل

غير لما تتابعو معانا الحلقه اللي جايه

جميله يا مرمر
انا مستنية الحلقة الى بعدها
ومتبعاكى

جميله يامرمر

تقبلى تحياتى

مشرف عدد المساهمات : 74 تاريخ التسجيل : 23/11/2010

جميل جدا يا مرمر

جميلة يا مرمر

» يوميات عائله مجنونه طحن ح2
» يوميات عائله مجنونه طحن ح4و5
» الحلقة 6و7 من يوميات عيله مجنونه
» يوميات عائله مجنونه طحن ح8و9و10
» يوميات الثورة التي أطاحت بمبارك