يوميات عائله مجنونه طحن ح2

الفصل الثاني
(ياما جاب الغراب لامه)

نعيمة قاعدة في امان الله بتخيط غلابية لام شاهين وورشيدة بتسمع راديو ورضى جوه في المطبخ ما حدش عارفه بيعمل ايه والباقي بره...[ندعوك للتسجيل في المنتدى أو التعريف بنفسك لمعاينة هذا الرابط]
-نعيمة: انتي يا بنت يا رشيدة خشي المطبخ اعمليلي كباية شاي اعدل بيها دماغي...الي صدعتوها من الصبح...
-رشيدة(بأريفة): حاضر يا ماما لما يخلص البرنامج ده الي على الراديو...
-نعيمة: قومي يا بنت الاحسن اتعصب عليكي...
-رشيدة(بتأفف): هو ما فيش في البيت الا رشيدة رشيدة..
-نعيمة: لا وحياة امك اندهلك الشغالة تجبلنا الشاي,,معلش اعذريني اصلها واخد ة اجازة اليومين دول..قومي يا بنت فزي لاحسن اقوملك..عاوزة اخلص الجلابية دي لام شاهين...
(وتدخل رشيدة وهي متغاظة على المطبخ ونعيمة بتكلم نفسها): هي ام شاهين ورثانة الجلابية دي عن جدتها ولا ايه..ما فيش فيها حتة سليمة عمالة اصلح فيها بقالي اربع ايام قال ايه عاوزة تحضر بيها فرح بنت اختها..دي تحضر فيها دفنة تولول عليها مش فرح..حارة نحس.....

-(وفجأة نسمع صوت رشيدة من جوة بتصرخ): الحقيني يا ماماااااااااااااااااااااااااااااااااااا
تدخل نعيمة المطبخ مش شايفة قدامها تلاقي الواد رضا منزل كل الاكل الي في التلاجة ورميه على جنب وحاطط هدومو في التلاجة..هي صحيح قديمة ونص عمر بس بردو اسمها تلاجة...

-نعيمة: ايه ده يا مدهول على عينك الي عاملة ده...ي ا لهوي يا لهوي...
-رضى(واقف على جنب ): ايه داه يا ماما مس لازم تفلحي ده ابنك عبقلي...(هو اصلو حرف الراء عنده واقع جاب بداله اللام)
-نعيمة: جتك واكسة يا واد الي انت بتعملو ده(وتحمل الولد من هدومو)
-رضى: استهدي بالله كده يا نعيمة وصلي على النبي...الامول ما تتحلس بالطليقة دي...(يحسس على وش امه عشان تسيبه)
-نعيمة: انطق يا واد لاحسن ارميك من البلكونة تيجي عند عم عبدو البقال يبيعك مع الفجل بتاعه ويريحيني..
-رضى: كده يا ماما تفلطي بابنك حبيبيك لضى زينة ولاد الحارة..
-نعيمة: يا لهويييييييييييي...اتكلم يا واد اتكلم...
-رضى: اصل يا ماما انا اختلعت حاجة جميلة..بدل ما كل يوم البس هدومي واعرق بيهم وادوب من الحل(الحر) الي بلة(برة)..اهو ابرد هدومي بالليل البسهم بالنهار بالدين(باردين)..مش سامعة بالمكيف..الكنيدسن يا ماما سمعته في التلفزيون..ده الكيندسن طبيعييييييييييييييييي[ندعوك للتسجيل في المنتدى أو التعريف بنفسك لمعاينة هذا الرابط]
-نعيمة: نعم نعم.....ايه ده يا واد..انت بتسمع سياسة ولا ايه...يا لهويي ده الي ناقص..الولد بقه يسمع سياسة ولسه ما كملش 5 سنين..[ندعوك للتسجيل في المنتدى أو التعريف بنفسك لمعاينة هذا الرابط]
-(الولد رضى يضرب نفسه بالالم على وشه ويتعصب): سياسة ايه يا ماما مالي انا ومال الكلام الفاضي ده هو انا حضيع نفسي في الكلام ده برده.دا انا الكبير بتاعي شعبولا وبعدو ما فيش..ده اختلاعععععععععع افهميني بقه ربنا يخليكي...[ندعوك للتسجيل في المنتدى أو التعريف بنفسك لمعاينة هذا الرابط]

-نعيمة: هس ولا كلمة عندك بس 5 دقايق تكون شلت هدومك ورجعت كل حاجة لمطرحها الحسن اخلي ابوك يديك علقة جامدة...
-رضى: ابوية هو فاضي اساساً تلاقي سهران عند تنت شوقية...
-نعيمة(تمسك الولد من زمارة رقبته): بتقول مين يا واد...[ندعوك للتسجيل في المنتدى أو التعريف بنفسك لمعاينة هذا الرابط]
-رضى(يعيط): والله ما ليش دعوة انا سمعت تنت شووقية بتقلو تعال اسهل عندنا الليلة هو قالها حاضل وكان فلحان اوي بالعزومة لما قلتلو خدني معاك قلي امشي انجل وزقني...
-نعيمة: طيب يا نعمان بس اما تيجي..وانت يا واد اعمل الي قلتلك عليه في ليلتك الي مش فايتة دي,,[ندعوك للتسجيل في المنتدى أو التعريف بنفسك لمعاينة هذا الرابط]
-رضى: انتو اتخانقو بقه وطالعو ده على افاية هو انا مالي ومال الحكاية دي سيبوني في اختلاعاتي ...معلش...الوله سمير قالي كل العبقالة(قصدو عباقرة) خدو علقات جامدة هما وصغيلين..معلش نستحمل..لغاية مانوصل لسلم المجد..[ندعوك للتسجيل في المنتدى أو التعريف بنفسك لمعاينة هذا الرابط]
-رشيدة(تيجي من برة تزعق فيه): انت يا واد مش حنخلص من مشاكلك بقه ابعد كده اما اظبط الي عملتو ..انجر من قدامي...
-رضى(يحط ايدو على خواصرو ويزعق): فيه ايه يا بت مالك طالع علي في العالي كده..احتلمي اخوكي الصغيل سوية...يا ما الوح اقول لماما على حكايةة ابن الجيران جمال (ويغمزلها بعينو..تجري عليه رشيدة تمسكو)
-رشيدة: ولد..ايه ده انت صدقت انت حبيبي..خش اقعد جوة وانا حظبط كل حاجة...وخد الجنيه ده مني ليك..بس اوعى تقول حاجة..
-رضى: في بيل يا ختي في بيل غميقققققققققققق...[ندعوك للتسجيل في المنتدى أو التعريف بنفسك لمعاينة هذا الرابط]

(في الوقت ده يدخل فتحي معور وشه والدم بينزل منه ومعاه في ايده فرخة)

-نعيمة(ترقع بالصوت)ايه دهههههههههههههه؟انت كل يوم تخشلي وشك في ايدك كده.
-فتحي(بصوت الجدعان): ليه كده بس يا ماما شايفاني جي وحامل وشي على ايدي ..ده بدل ما تهانيني
-نعيمة: يا فرحتي يا فرحتي..عملت ايه النهاردة يا واد..
-فتحي(يظبط هدومو ويهز براسو): ما فيش كنت في الحارة الي جنبنا بهدي النفوس...
-نعيمة: انت كنت بتهدي النفوس ولا بتولعها..وايه الي جايبو في ايدك ده...
-فتحي: دي فرخة يا ماما...عشان العشا بكره..بقلنا من العيد الي فات ما دقنهاش..
-نعيمة(تمسك الولد من هدومو وتتكلم في ودنو): سارقها يا واد؟
-فتحي( يوقف كده زي الي كرامتو حنيت عليه): حد الله بيني وبين الحرم...انا اضرب حد اه لكن اسرق لقه احنا بردو جدعان والجدعان ما يكلوش لحم بعض...دي بس هدية من المعلم جمعة عشان ضربتلو حد كان متغاظ منه اوي...
-نعيمة: يا فرحتي بيك يا خوي....ده الي انت فالح فيه..اعمل ايه انا اعمل ايه فيكم غلبتوني.....مش حيوديك في داهية غير المعلم جمعة ده...
-فتحي: ليه بس يا ماما ده راجل طيب حيشغلن يمعاه بودجارد قد الدنيا
-نعمية: بودي ايه...المعلم خرع الواد....ضاع املي فيك يا واد...
-فتحي: خشي يا بنت يار رشيد حضريلي العشا...
-رشيدة حاضر حاضر..امتى بقه يجي الي في بالي يخلصني من العيشة دي...
-فتحي(يجري ورا اخته ويمسكها من ايدها ): مين الي في بالك ده يا بنت...
-رضى: الواد جمال ابن الجيلان..[ندعوك للتسجيل في المنتدى أو التعريف بنفسك لمعاينة هذا الرابط]
-رشيدة تجري ورا رضى عاوزة تضربو: اسكت يا واد يا كداب والله لمورياك...(ويجري منها )[ندعوك للتسجيل في المنتدى أو التعريف بنفسك لمعاينة هذا الرابط]
-فتحي(يقرب من امه): ماما خدي بالك من البنت دي..لاحسن تجبلك العار وانا اجبلك التار...
-نعيمة: والله؟! لا انت خليك في نفسك..ما لكش دعوة بأختك يا فالح...
(بعد شوية يجي نعمان راجل البيت مبسوط وعلى اخر رواقة .....ويا رب ما يوريكم لي حصل)

ونكمل الحلقة اللى جايه
تقبلو تحياتى

مشرف عدد المساهمات : 121 تاريخ التسجيل : 15/11/2010

هههههههههههههههه

عيال متشردين

منتظرين باقى اليوميات

ههههههههههههههههه

جميلة جدا شكرا لك

حلوة ابو سعيد
منتظرين الباقى

» يوميات عائله مجنونه طحن ح8و9و10
» يوميات عائله مجنونه طحن ح4و5
» الحلقة 6و7 من يوميات عيله مجنونه
» يوميات دودو وجوجي
» يوميات الثورة التي أطاحت بمبارك