الحب ده ماده فى صيدلة

"الحب ده ماده ف صيدله"


راح اقولك كلمه صغيره

الحب ده زى المبخره

ناره حاميه معمره

وريحته حلوه معطره

دى حلاوة الحب مسكره

بوجوده الدنيا منوره

بفراقه النفس معكره

الحب ده ورده مدوره

مزروع ف جنينه مزهره

حتى اسال عبله وعنتره

دى قلوبهم كانت مسنكره

على بعض يخافوا المنظره

الحب ده صفحه مسطره

بيها القلوب متاثره

فيها الورود متنطوره

فيها المعانى معبره

الحب ده طفله صغيره

تضحك وتكركر كركره

الحب باى مقدره

لو اوضه ف اخر القاهره

على سطح عماره متدمره

فى حاره اخر اشفره

بالحب جنه مصوره

الحب ده موزه مقشره

يخلى الجته مقشعره

انا قلبى بقى مستعمره

اقفال وابواب متجنزره

وحبيبتى معاها التذكره

تدخل تتمخطر مخطره

على قلبى يا ناس متشطره

الحب ده بودره ومسكره

الحب ده شامبو وغرغره

الحب ده زى الاستره

الحب ده ماده ف صيدله

ايوه ماده ف صيدله