عندك القدرة انك تمسك موبايلك وتمسح كل الارقام والرسائل ؟؟ .......وتبدأ من جديد
عندك القدرة انك تنسى مكان بيتك وشارعك وجيرانك وبلدك وتروح مكان بعيد ؟؟....... وتبدأ من جديد
عندك القدرة انك تحرق كل الاوراق والصور والتذكارات والهدايا ؟؟........وتبدأ من جديد
عندك القدرة انك تشوة مشاعرك واحاسيسك ؟؟........وتبدأ من جديد
تخيل انك حتى لو عنك القدرة انك تعمل كل الحاجات دى برضو عمرك ماهتقدر تنسى ...............الماضى
لان الماضى اتحفر جواك ...اتحفر فى ملامحك وتصرفاتك ...اتحفر فى سرحانك وحنينك الية
لان الماضى مش مرتبط بس بالارقام والرسائل والاماكن والصور ....الماضى مرتبط بذهنك ....مرتبط بوجودك
تصدق برضو مش مرتبط بوجودك لانك ممكن تكون ميت وماضيك لسة عايش
الماضى مش عدو زى مانت فاكر بالعكس الماضى اقرب صديق ليك
مش المفروض انك تتنكر منة ولا تتجنبة ولا تلهى نفسك عنة
الماضى هو الوحيد اللى بيزورك فى وحدتك ....فى نجاحك وانتصارك....فى انكسارك وضعفك
هو الوحيد اللى عارف اسرارك .....هو الوحيد اللى عارف نجاح او فشل اختيارك
هو الوحيد اللى عارف حقيقتك
انا لو منك احب الماضى وافضل دايما فاكرة
لو كان صعب ومر , يبقى صح ان الحياة شوية حلوة وشوية صعبة
ولو كان تافة يبقى الوقت اللى ضاع ده لازم اعوضة
ولو كان مليان بالذكريات من كل نوع فهى اللى دلوقتى بتلمس مشاعرى من وقت للتانى
واسرح والابتسامة جوه عنيا كانى سامع الكلام وشايف الوشوش
تذكر يا صديقى الماضى يولد قبل ان تولد انت ولكنة لا يموت
واذا كنت فى ماضى احد فانة لن ينساك
الرئيسية 
دخول الاعضاء 
