آه يا بلد
حبيتك صحيح يا بلد
حب الأم للولد
رغم كل الآهات
و الشوق للذكريات
لسه بحبك يا بلد
حب الأم للولد
خيرك كتير موجود
لكن ف ايد حقود
بيوزع فيه براحته
ما يهمه غير مصلحته
امتى يفوق شعبنا
على حلم من حقنا
يطرد كل الديابه
و يفرح الغلابه
الظلم فيكى أصيل
و العدل فيكى عويل
و برغم كل اللى فيكى
لسه باحن إليكى
طيب ممكن سؤال؟
امتى يروق الحال ؟
لازم النفوس تصفى
لاجل القلوب تدفى
علم و عمل و عباده
مع شوية إراده
وصفه سهله و بسيطه
نبقى على الخريطه
إيدك ف إيدى يا مصرى
تصبح بلدنا عصرى
و الحلم يصبح حقيقه
و هى دى الطريقه
لازم نعلى الصوت
و نبطل السكوت
زهقنا من الكلام
ما بيفيد الملام
العمل واجب علينا
علشان نفرح عينينا
و الأمل موجود
لنهاية الوجود
الرئيسية 
دخول الاعضاء 
